បណ្ណាល័យពហុឯកសារ

ការបង់ថ្លៃចុះឈ្មោះជាសមាជិក និងថ្លៃផាកពិន័យ អាចបង់ជាលុយសុទ្ធ ឬតាមរយៈកាតធនាគារ នៅកន្លែងផ្ដល់ព័ត៌មានរបស់វិទ្យាស្ថានបារាំង។ ការចុះឈ្មោះគឺឥតគិតថ្លៃចំពោះសិស្សដែលរៀននៅវិទ្យាស្ថាន។

–  តម្លៃប្រចាំឆ្នាំ«យុវវ័យ» (ក្រោម១៨ឆ្នាំ និងនិស្សិត ដោយត្រូវបង្ហាញភស្តុតាងបញ្ជាក់)

២$/ឆ្នាំ សម្រាប់ជនជាតិខ្មែរ
៥$/ឆ្នាំ សម្រាប់ជនបរទេស

– តម្លៃប្រចាំឆ្នាំ«មនុស្សធំ»

១៥$/ឆ្នាំ សម្រាប់ជនជាតិខ្មែរ
៣០$/ឆ្នាំ សម្រាប់ជនបរទេស

– តម្លៃប្រចាំឆ្នាំ«គ្រួសារ»

$៤០ / ឆ្នាំ សម្រាប់សមាជិកចំនួនបីនាក់ដែលមានត្រកូលដូចគ្នា។

– តម្លៃប្រចាំឆ្នាំ«ក្រុម»

៤០$/ឆ្នាំ សម្រាប់សមាជិក១០នាក់ច្រើនបំផុតដែលជាអ្នកធ្វើការក្នុងស្ថាប័នជាមួយគ្នា (បង្ហាញអត្តសញ្ញាណឬកាតបុគ្គលិក)។

បណ្ណាល័យពហុឯកសារបានបង្កើតឯកសារជំនួយផ្សេងៗជាភាសាបារាំងបែបឌីជីថល និងជាកូនសៀវភៅដែលអាចរកបាននៅក្នុងបណ្ណាល័យផ្ទាល់ មានដូចជា ៖

• សៀវភៅណែនាំពីការចិញ្ចឹមកូនស្របតាមពិភពឌីជីថល
• សៀវភៅឆាករូបភាពអំពីកម្ពុជា
• សៀវភៅភាពយន្តអំពីកម្ពុជា
• សៀវភៅភាពយន្តវប្បធម៌បារាំង

ក្រោយពេលចុះឈ្មោះជាសមាជិក លោកអ្នកក៏អាចចូលប្រើប្រាស់បណ្ណាល័យឌីជីថលរបស់យើង Culturetheque តាមរយៈទូរស័ព្ទ ថាប្លែត ឬកុំព្យូទ័រ ៧ ថ្ងៃលើ ៧ ថ្ងៃ ពីគ្រប់ទីកន្លែងនៅកម្ពុជា។ ក្នុងបណ្ណាល័យឌីជីថលនេះ លោកអ្នកអាចអានឯកសារដែលមានចំនួនរាប់មុឺន។ សារព័ត៌មាន ប្រចាំថ្ងៃ ទស្សនាវដ្ដី សៀវភៅអក្សរសិល្ប៍ (ក្នុងនោះមានទាំងស្នាដៃដែលទទួលបាន ពានរង្វាន់អក្សរសិល្ប៍ថ្មីៗផងដែរ) សៀវភៅរឿងគំនូរ ឯកសារសម្រាប់អ្នកសិក្សាភាសាបារាំង… គឺមានគ្រប់ប្រភេទ។

ធ្វើដូចម្ដេចដើម្បីចូលបាន? អ្នកអាចមកចុះឈ្មោះនៅក្នុងបណ្ណាល័យណាមួយនៃសាខា
របស់វិទ្យាស្ថានបារាំងនៅកម្ពុជា។  ការប្រើប្រាស់សេវាអេឡិចត្រូនិចនេះគឺឥតគិតថ្លៃសម្រាប់សមាជិកបណ្ណាល័យពហុឯកសារ និងសិស្សរបស់វិទ្យាស្ថាន។ បណ្ណាល័យអេឡិចត្រូនិកបច្ចុប្បន្នគឺអាចប្រើប្រាស់បានគ្រប់គ្នា រយៈពេល ៤ សប្ដាហ៍តាមគេហទំព័រ culturetheque.com!

បណ្ណាល័យអេឡិចត្រូនិកក៏មាននៅជាន់ផ្ទាល់ដីនៃបណ្ណាល័យពហុឯកសារដែរ ៖ ស្វែងរកព័ត៌មានបច្ចុប្បន្នភាពតាមកុំព្យូទ័រ រៀនសរសេរកម្មវិធី ហ្គែមវីដេអូ សួននៃចំណេះដឹងអេឡិចត្រូនិចសម្រាប់កុមារតូចៗ… ក្រុមការងារយើងផ្ដល់ជូនលោកអ្នកនូវសកម្មភាពជាទៀងទាត់ជុំវិញបច្ចេកវិទ្យាថ្មីៗ។ ចុចទីនេះ>>>ដើម្បីមើលវីដេអូហ្គេមដែលមាននៅលើអ៊ីនធឺណិត!<<<

តើអ្នកកំពុងស្វែងរក ល្បែងកំសាន្ដជាក្រុម សម្រាប់ពេលរសៀល និងពេលល្ងាចមែនទេ?

វិទ្យាស្ថានបារាំងផ្តល់ឱ្យសមាជិករបស់ខ្លួននូវ ល្បែងកំសាន្ដជាក្រុមចំនួន ១៥០! នៅបណ្ណាល័យពហុឯកសារ ឬនៅផ្ទះជាមួយគ្រួសារ ឬមិត្តភក្តិ បណ្ណាល័យល្បែងកំសាន្ដគឺជាកន្លែងសម្រាប់លេងហ្គេម និងសកម្មភាពរួមសម្រាប់មនុស្សគ្រប់វ័យ។ លោកអ្នកអាចចូលប្រើបណ្ណាល័យល្បែងកំសាន្ដ ដោយសេរី និងឥតគិតថ្លៃ!

>>> ទាញយកកាតាឡុកល្បែងកំសាន្ដជាក្រុម! <<<

 លក្ខខណ្ឌទូទៅ

• ក្មេងអាយុក្រោម ១០ ឆ្នាំត្រូវតែមានអាណាព្យាបាលមកជាមួយ និងចាំជួយមើលខុសត្រូវ។
  
• កុមារដែលមានអាយុលើសពី ១០ ឆ្នាំ ដែលមិនមានអាណាព្យាបាលមកជាមួួយ អាចលេងនៅបណ្ណាល័យបាន ប៉ុន្តែស្ថិតនៅក្រោមការទទួលខុសត្រូវរបស់ឪពុកម្តាយ ឬអាណាព្យាបាលដដែល។
  
• កុមារដែលមិនមានអាណាព្យាបាលមកជាមួយ ហើយអាចរំខានដល់ការលេងល្បែងកំសាន្ដជាក្រុមនឹងត្រូវបដិសេធមិនឱ្យចូលលេងហ្គេម។
  
• រាល់ការខូចខាតត្រូវតែរាយការណ៍ទៅបណ្ណារក្សដើម្បីវិនិច្ឆ័យលទ្ធភាពនៃការជួសជុល។ ប្រសិនបើការខូចខាតមិនអាចជួសជុលបានទេ បណ្ណាល័យតម្រូវឱ្យអ្នកប្រើប្រាស់ ទិញហ្គេមនោះសងបណ្ណាល័យ។ ក្នុងករណីពុំអាចរកទិញហ្គេមនោះបាន បណ្ណាល័យ និងអ្នកប្រើប្រាស់នឹងព្រមព្រៀងគ្នាលើការទិញហ្គេមដែលមានតម្លៃស្មើ។ បណ្ណាល័យស្នើដល់អ្នក​ប្រើ​ប្រាស់​កុំ​ជំនួស​វត្ថុ​ដែល​បាត់​ដោយ​ខ្លួន​ឯង មុន​ពេល​ជូន​ដំណឹង​ដល់​បណ្ណារក្ស។

លក្ខខណ្ឌទាក់ទងនឹងការលេងនៅបណ្ណាល័យ អ្នកប្រើប្រាស់ម្នាក់ៗត្រូវអនុវត្ត

• គោរពកន្លែងលេង ឧបករណ៍ និងហ្គេម
• រៀបចំទុកដាក់ហ្គេមបន្ទាប់ពី​លេងរួច (ការរៀបចំទុកដាក់ហ្គេមបន្ទាប់ពីលេងរួចគឺជាកាតព្វកិច្ចរបស់កុមារឬអាណាព្យាបាល ដោយត្រូវពិនិត្យផ្ទៀងផ្ទាត់ហ្គេម)
• គោរពអ្នកលេងផ្សេងទៀត
  
• ពេលវេលាលេងល្បែងជាក្រុមនៅបណ្ណាល័យផ្លាស់ប្ដូរទៅតាមអាយុ និងសមត្ថភាពរបស់កុមារ (២ ម៉ោងយ៉ាងច្រើន)
  
• អ្នកប្រើប្រាស់មានសិទ្ធិសួរបណ្ណារក្សដើម្បីទទួលបានការណែនាំឬ​ការពន្យល់
  ពីការលេងហ្គេម។

អាណាព្យាបាល

អាណាព្យាបាលត្រូវតែទទួលខុសត្រូវចំពោះកុមារ និងអាកប្បកិរិយារបស់ពួកគេ។ ធានាថាពួកគេមិនរំខាន ឬ ធ្វើឲ្យប៉ះពាល់ដល់បណ្ណាល័យល្បែងកំសាន្ដជាក្រុម និងអ្នកលេងផ្សេងទៀត។ បណ្ណាល័យល្បែងកំសាន្ដមិនទទួលខុសត្រូវចំពោះការខូចខាតឬគ្រោះថ្នាក់ដែលអាចកើតមាននៅពេលប្រើប្រាស់ហ្គេមនោះទេ។

ការខ្ចីទៅផ្ទះ

• ជាសមាជិកបណ្ណាល័យពហុឯកសារ
• អាចខ្ចីហ្គេមបាន ១ សម្រាប់រយៈពេលបីសប្តាហ៍ ក្នុងករណីមានការយឺតយ៉ាវ អ្នកប្រើប្រាស់តម្រូវឱ្យជូនដំណឹងដល់បណ្ណាល័យក្នុងម៉ោងធ្វើការ ឬតាមអ៊ីមែល។
• ក្នុងករណីមានការយឺតយ៉ាវ អ្នកប្រើប្រាស់តម្រូវឱ្យជូនដំណឹងដល់បណ្ណាល័យក្នុងម៉ោងធ្វើការ ឬតាមអ៊ីមែល។